စေ့စပ်ဖြေရှင်းရေးဆိုင်ရာလုပ်ငန်းကျွမ်းကျင်မှုသင်တန်းဖွင့်ပွဲအား ပြည်နယ်တရားသူကြီးချုပ် တက်ရောက်အမှာစကားပြောကြားခြင်း နှင့် သင်တန်းဖွင့်လှစ်သင်ကြားခြင်း

မော်လမြိုင်၊ စက်တင်ဘာ ၂၅

     မွန်ပြည်နယ်အတွင်းရှိ ပြည်နယ်တရားလွှတ်တော်၊ ခရိုင်နှင့် မြို့နယ်တရားရုံးများတွင် တာဝန်ထမ်းဆောင်နေကြသော တရားသူကြီးများနှင့် တရားရေးအရာရှိများအတွက် စေ့စပ်ဖြေရှင်းရေးဆိုင်ရာ လုပ်ငန်းကျွမ်းကျင်မှုသင်တန်းအား ယနေ့ နံနက် ၉း၀၀ နာရီ၌ မွန်ပြည်နယ်တရားလွှတ်တော် အစည်းအဝေးခန်းမတွင် (Video Conferencing)ဖြင့် ဖွင့်လှစ်ခဲ့ရာ ဖွင့်ပွဲအခမ်းအနားသို့ မွန်ပြည်နယ်တရားလွှတ်တော် တရားသူကြီးချုပ် ဦးညီညီစိုး တက်ရောက်ပြီး အမှာစကားပြောကြားခဲ့ပါသည်။

       အဆိုပါအခမ်းအနားသို့ ပြည်နယ်တရားရေးဦ:စီးမှူး ဒေါ်ခင်နှင်းထွဋ်၊ စေ့စပ်ဖြေရှင်းရေးအရာရှိ ဒေါ်ခင်မာဝင်း နှင့် ပြည်နယ်တရားလွှတ်တော်မှ တရားရေးအရာရှိများ၊ ခရိုင်နှင့် မြို့နယ်တရားရုံးများမှ တရားသူကြီးများ စုစုပေါင်း(၄၂)ဦ: တက်ရောက်ခဲ့ပါသည်။

      ဆက်လက်၍ သင်တန်းတွင် ပြည်နယ်တရားရေးဦးစီးမှူးနှင့် စေ့စပ်ဖြေရှင်းရေးအရာရှိတို့မှ စေ့စပ်ဖြေရှင်းရေးဆိုင်ရာ လုပ်ငန်းစဉ်များနှင့် လက်တွေ့လုပ်ကိုင်ဆောင်ရွက်နေရာတွင် လိုက်နာရန်အချက်များအား သင်ကြားပို့ချခဲ့ပြီး သင်တန်းတက်ရောက်သော တရားသူကြီးများ၏ မေးမြန်းဆွေးနွေးချက်များအား ပြန်လည်ရှင်းလင်းဖြေကြားခဲ့ပါသည်။