မော်လမြိုင်မြို့မရဲစခန်း၊ မုပွန်နယ်မြေရဲစခန်းနှင့် မြိုင်သာယာနယ်မြေရဲစခန်းသို့ သွားရောက်ကြည့်ရှု စစ်ဆေး

မော်လမြိုင်၊ ဇွန် ၂၀ ရက်

             မွန်ပြည်နယ်တရားလွှတ်တော်တရားသူကြီး ဒေါ်ညိုမီစံသည် ပြည်နယ်တရားရေးဦးစီးမှူး ဒေါ်ခိုင်ခိုင်မျိုး၊ လက်ထောက်ညွှန်ကြားရေးမှူး၊ မော်လမြိုင်ခရိုင် တရားသူကြီးနှင့် မော်လမြိုင်မြို့နယ်တရားသူကြီးတို့ လိုက်ပါလျက် (၂၀-၆-၂၀၂၅) ရက်နေ့ နံနက်(၁၁း၃ဝ)နာရီ အချိန်တွင် မော်လမြိုင်မြို့မရဲစခန်း၊ မုပွန်နယ်မြေရဲစခန်းနှင့် မြိုင်သာယာနယ်မြေရဲစခန်းသို့ သွားရောက်ကြည့်ရှုစစ်ဆေးခဲ့သည်။

         ပြည်နယ်တရားလွှတ်တော်တရားသူကြီးနှင့်အဖွဲ့သည် မော်လမြိုင်မြို့နယ်ရဲတပ်ဖွဲ့မှူးနှင့် သက်ဆိုင်ရာရဲစခန်းမှူးများ၊ တာဝန်ရှိသူများလိုက်ပါလျက် လှည့်လည်ကြည့်ရှုပြီး ရဲစခန်း (၃) ခုရှိ အချုပ်ခံရသူများ၏ အခြေအနေ၊ နေထိုင်စားသောက်မှုနှင့် ကျန်းမာရေးစောင့်ရှောက်မှုတို့ကို ရှင်းလင်းတင်ပြကြသဖြင့် မွန်ပြည်နယ်တရားလွှတ်တော် တရားသူကြီးမှ ဥပဒေနှင့်အညီ ရသင့်ရထိုက်သောအခွင့်အရေးများ ခံစားနိုင်ရေးနှင့် လိုအပ်သည် များကို ဆောင်ရွက်ပေးရန် လမ်းညွှန်မှာကြားခဲ့သည်။